7.8 C
Скопје
15 ноември, 2026
Inbox7.mk
ВЕСТИНАСЛОВНАРЕПУБЛИКА

Од Охридскиот договор до ЕУ: Експерти во Скопје отворија дебата за следните 25 години

Достигнувањата и слабостите во спроведувањето на Охридскиот рамковен договор, политичката застапеност, општествената кохезија и иднината на односите меѓу заедниците беа во фокусот на меѓународната конференција „ОРД 25+: Лекции, наследства, хоризонти“, одржана на 24 и 25 септември во Скопје.

Конференцијата ја организираа Pro Peace и Институтот „Макс ван дер Штул“ при Универзитетот на Југоисточна Европа (УЈИЕ), со поддршка на Владата на Северна Рајна-Вестфалија.

Настанот се одржа во година кога се навршуваат 25 години од потпишувањето на Охридскиот рамковен договор, со кој во 2001 година беше ставен крај на вооружениот конфликт во земјата, но и 25 години од основањето на УЈИЕ.

Арифи: Различноста е една од предностите на УЈИЕ

Во име на Универзитетот, пред учесниците се обрати проф. д-р Беса Арифи, советничка за односи со заедниците и меѓународни односи.

Таа ја истакна симболиката на двете годишнини, оценувајќи дека развојот на Универзитетот во изминатите две и пол децении е тесно поврзан со процесите што следуваа по Охридскиот рамковен договор.

Според Арифи, УЈИЕ претставува институционален модел изграден врз почитување на различностите и соживотот меѓу заедниците.

Таа оцени дека различноста не е само карактеристика на Универзитетот, туку една од неговите клучни предности и дел од неговата институционална култура.

Беџети, Креци и Халили на дебатата за управувањето и застапеноста

Претставници на УЈИЕ учествуваа и на панелот „Управување, застапеност и политички контекст“.

На панелот како експерти учествуваа академик проф. д-р Абдилменаф Беџети и проф. д-р Вели Креци, директор на Институтот „Макс ван дер Штул“, додека д-р Албулена Халили, научна соработничка во Институтот, учествуваше како главна говорничка.

Во текот на дводневната конференција, претставници на академската заедница, јавните институции и граѓанското општество разговараа за тоа што е постигнато во 25-те години по Охридскиот договор, кои проблеми остануваат нерешени и со какви предизвици се соочува земјата во односите меѓу заедниците.

Дел од дискусиите беа посветени на справувањето со минатото, управувањето и политичката застапеност, општествената кохезија, како и на улогата на уметноста и културата во постконфликтната трансформација.

Посебно внимание беше посветено и на идните чекори кон европската интеграција и изградбата на покохезивно, поинклузивно и порамноправно општество.

Во организацијата беа вклучени и студенти од Скопскиот кампус на УЈИЕ, кои учествуваа во техничката реализација на конференцијата.

 

Related posts

Трамп му нареди на Пентагонот веднаш да ги обнови нуклеарните тестови на САД

admin

ВЛЕН го нападна внукот на Али Ахмети: Против кого протестира Бујар Ахмети?

admin

Филмаџиите до Љутков: Филмот е во колапс, очекуваме заеднички решенија за спас на кинематографијата

admin

Антидискриминаторска мрежа предупредува на говор на омраза во дебатата за возачките дозволи

admin

Европјаните сè повеќе штедат, а сè помалку трошат – што покажуваат најновите бројки?

admin

Не, „камерите што казнуваат“ се’ уште не се во функција, но дали снимаат?

admin