Mинистерот за надворешни работи, Бујар Османи, денеска оствари средба со амбасадорката на САД во земјава, Ангела Агелер, јавува Инбокс7.
Според соопштението, на средбата се зборувало за соработката во рамки на Стратешкиот дијалог, при што министерот Османи изразил благодарност за дополнителните средства во висина од 4.276.000 американски долари наменети за владеење на правото и спроведување на законите, што САД ги доделува започнувајќи од 2012 година.
“Министерот потенцираше дека со САД како наш значаен стратешки партнер продолжуваме заеднички и посветено да работиме за забрзување на реформските процеси во земјава, при што високо ја цениме континуираната американска поддршка за справување со предизвиците и борбата против корупцијата.”, се вели во соопштението.