Членката на Државната комисија за спречување на корупцијата (ДКСК), Цвета Ристовска, поднесе неотповиклива оставка од функцијата, откако Комисијата отвори два предмети поврзани со нејзината работа.
Оставката е доставена до претседателот на Собранието, Африм Гаши, соопштија извори запознаени со случајот.
Во писмената изјава, Ристовска навела дека одлуката ја донела по, како што посочува, „неколкунеделни јавни полемики и сомнежи изнесени во врска со мојата работа во Државната комисија за спречување на корупцијата“.
„Никогаш немав намера да прикријам каква било информација“, се наведува во нејзината изјава.
ДКСК претходно соопшти дека отворила два предмети, меѓу кои и постапка за утврдување можен судир на интереси.
Од Комисијата засега нема дополнителни детали за текот на постапките. Датумот на собраниската седница на која ќе се констатира оставката ќе биде дополнително утврден.