Европската комисија подготвува широка реорганизација на директоратите што управуваат со европските фондови, како дел од плановите на претседателката за централизирање на распределбата на средствата од буџетот на Европската Унија.
Според информации на „Политико“, во процесот би можеле да бидат опфатени неколку клучни директорати, меѓу нив и Генералниот директорат за регионална и урбана политика, познат како DG REGIO, кој управува со речиси една третина од европските трошоци преку кохезиската политика.
Покрај него, неизвесна е иднината и на директоратите за земјоделство, социјални прашања, рибарство и истражување и иновации.
Според европски претставници запознаени со дискусиите, Брисел размислува за создавање централизирана служба што би управувала со европските фондови преку модел сличен на постковид-фондот за закрепнување.
Во тој систем, националните влади би доставувале планови за трошење, а средствата би се исплаќале врз основа на исполнување конкретни цели и реформи.
Еден висок европски функционер изјавил дека се разгледува создавање нов директорат, неформално наречен „DG INVEST“, кој би ги презел задачите за распределба и контрола на европските средства.
Извршниот потпретседател на Европската комисија минатата недела јавно потврди дека во рамките на DG REGIO се водат разговори за „поефикасен модел“ на функционирање.
Во меѓувреме, на интерната мрежа на Европската комисија е формирана посебна работна група задолжена за анализа на новата структура на директоратите и нивно усогласување со идните буџетски приоритети.
Процесот го координира Валер Мутарлие од Генералниот директорат за внатрешен пазар, а препораките треба да бидат доставени до поранешната генерален секретар на Комисијата до средината на јули.
Буџетскиот комесар треба до крајот на 2026 година да ги презентира конечните предлози пред Колегиумот на комесари.
Плановите предизвикуваат загриженост во дел од европските институции.
Претставници од директоратот за земјоделство внимателно ги следат можните промени, додека од секторот за рибарство предупредуваат дека поедноставувањето не смее да доведе до прекумерна централизација на моќта во Брисел.
Потпретседателката на Комитетот за рибарство во Европскиот парламент, , изјави дека реформите не смеат да ја ослабат улогата на земјите членки во распределбата на средствата.
Реорганизацијата доаѓа во време кога Европската Унија подготвува нов модел за долгорочниот буџет и се обидува да ги спои различните програми за финансирање во помал број централизирани фондови.