31.8 C
Скопје
12 јуни, 2024
Inbox7.mk
ВЕСТИРЕГИОН

ВУЧИЌ И КУРТИ ЌЕ СЕ СРЕТНАТ В НЕДЕЛА ИЛИ ПОНЕДЕЛНИК

Српскиот претседател Александар Вучиќ и косовскиот премиер Албин Курти ќе одржат средба в недела на 20 ноември или најдоцна в понеделник на 21 ноември, дознава Радио Слободна Европа (РСЕ) од сигурни извори во Брисел.

Точниот датум ќе зависи од потврдата на лидерите, односно, како што велат европски извори, од логистиката и достапноста на страните.

Ако средбата се одржи в недела, таа ќе биде попладне, а ако се одложи за понеделник, тогаш лидерите ќе се сретнат претпладне.

Средбата на двајцата лидери ќе се одржи пред почетокот на примената на одлуката на косовските власти за казни за сопствениците на возила со српска регистрација.

Високиот претставник на Европската унија (ЕУ) за заедничка надворешна политика и безбедност, Жозеп Борел, на 14 ноември предупреди дека решението за табличките треба да се најде пред 21 ноември.

Претходно денеска портпаролот на ЕУ Петер Стано потврди дека Брисел ги поканил лидерите на состанок и изрази надеж дека средбата ќе се одржи „многу наскоро“.

Односите меѓу Белград и Приштина се затегнати поради неодамнешната одлука на косовската влада да започне со спроведување на одлуката за укинување на регистарските таблички издадени од српските власти за возилата што главно ги користат Србите на северот на Косово.

Related posts

Ахмети: По изборите можна е национална влада за уставни измени

admin

ТРНЛИВ ПАТ ДО АВТОПАТ

ninja

ЗАМРЗНАТИ ЦЕНИ – КОЈ ДОБИВА, А КОЈ ГУБИ?

ninja

АГЕЛЕР: ЕДНО ИЛИ ДВЕ ИМИЊА ОД МАКЕДОНИЈА ЌЕ ИМА НА „ЦРНАТА“ ЛИСТА НА САД

ninja

Има ли ишарети од Белград за односот на Софија кон Скопје?

admin

МИНИСТЕРСТВОТО ЗА ЕКОНОМИЈА ПРЕДЛАГА УКИНУВАЊЕ НА СУБВЕНЦИОНИРАНАТА СТРУЈА ЗА ПРЕХРАНБЕНИТЕ КОМПАНИИ

ninja