21.8 C
Скопје
15 јули, 2024
Inbox7.mk
ВЕСТИ

МНР ЈА ОСУДИ ИЗЈАВАТА НА ПРАТЕНИКОТ КОСТАДИНОВ ДЕКА МАКЕДОНИЈА Е ВТОРА БУГАРИЈА

Министерството за надворешни работи денеска ја осуди изјавата на бугарскиот пратеник и лидер на политичка партија – Преродба, Костадин Костадинов. Министерството, како што се наведува во соопштението, исто како што и претходно реагирало и овој пат ги осудува иредентистичките изјави кои содржат и територијални претензии кон Република Северна Македонија изкажани јавно и повеќе пати од страна на Костадинов.

„Фактот што овие изјави се повторуваат, овојпат и во Скопје и тоа на значаен и за двете страни симболичен повод, отворање на нови канцеларии на Културно-информативниот центар како и во пресрет на Бизнис форумот меѓу Северна Македонија и Бугарија, не можеме, а да не ги толкуваме како обиди за минирање на силните напори на двете Влади за унапредување на соработката и како организирана провокација, која треба да биде осудена од сите проевропски политички структури и институции во двете држави“, соопштија од МНР.

Во исто време, од минситерството упатија апел до граѓаните на двете земји да не им подлегнуваат на ваквите провокации „кои имаат една единствена цел, а тоа е да ги спречат двете држави во спроведувањето на искрените намери, реафирмирани од двете страни, за продлабочување на односите меѓу нашите држави и народи во духот на европските вредности“.

Костадинов кој денеска присуствуваше на отворањето на Културно информативниот центар на Бугарија во Скопје изјави дека Бугарија е од Охрид до Црното море, а Македонија е втора бугарска држава./RSE

Related posts

САД развила гравитациона бомба, една детонација може да убие еден милион луѓе

admin

Касами со до правосудните органи: Вистинските виновници за трагедијата во Тетово се Анѓушев и Филипче

admin

Денес се очекува да биде лансирана социјалната мрежа на Трамп, објави Ројтерс

ninja

Самит: Германија како столб на стабилност во НАТО?

admin

САД предупредија од руски кибернетски напади врз Украина

ninja

Холандија, Грција, Австрија и Ирска со највисока смртност во ЕУ

admin