Лидерот на опозициската партија СДСМ Венко Филипче најави можно зголемување на пратеничката група во Собранието, додека премиерот Христијан Мицкоски ја отфрли изјавата, оценувајќи ја како „хумор и сатира“.
Тој изјави дека очекува проширување на пратеничката група, без да наведе конкретни детали или временска рамка за тоа како би се реализирало ваквото сценарио.
Партиски извори рекоа за Инбокс7 дека еден пратеник на ЗНАМ ќе премине кај СДСМ, со што ќе почне враќањето на структурите во нивната матична партија.
Премиерот, пак, реагираше дека ваквите најави не ги смета за сериозни, додавајќи дека станува збор за политичка реторика без реална основа.