Роберт Левандовски ги подгреа шпекулациите за евентуалниот кам-бек на Лионел Меси во Барселона. Полскиот напаѓач нагласи дека местото на аргентинскиот виртуоз му е во Каталонија, а најави дека се надева следната сезона да заиграат заедно во нападот на овој клуб.
„Местото на Меси му е во Барселона и доколку се врати би било неверојатно. Сите знаеме дека тој припаѓа тука, во Барселона, но не знам што ќе се случи.
Се надевам следната сезона ќе играме заедно“, рече Левандовски.
Меси во 2021 година поради финансиските проблеми на Барселона замина во ПСЖ. Сепак, веројатно клубот работи на ослободување на буџетот за плати, со цел летово да го врати Аргентинецот како слободен агент.