Изет Меџити, пратеник од редовите на ДУИ, и потпретседател на партијата, кој е предводник на “огнената” група, а вечерва од студиото на ТВ21 упати сериозни критики кон раководството на ДУИ. Според него, во партијата има целосна анархија, не се знае кој ги носи одлуките, не се консултира членството, не се дебатира во партијата за важни теми, се закажуваат тајни состаноци.
„Ова е сосема различно ДУИ од тоа што ние го познаваме. Одлуките ги носи Артан Груби сам, и „де факто“ тој е лидер на ДУИ, а не Али Ахмети“, рече Меџити.Тој рече дека ДУИ денеска е на исто ниво како во ВМРО-ДПМНЕ во времето на Сашо Мијалков.
„Во ДУИ денес одлуки носат само 2-3 луѓе. Имаат апсолутна власт. Доколку некој има различно мислење од тие 2-3 луѓе следува реваншизам. Ја користат моќта за да ги замолчат тие што размислуваат поинаку. Ги интересираат само бизнис зделки и ништо друго. Ова ДУИ се повеќе личи на ВМРО ДПМНЕ на Мијалков и ДПА на Тачи од 2008 година“, кажа Меџити.
