Претседателот на СДСМ и премиер, Димитар Ковачевски, објави денеска дека има предлог за уставните измени од Работната група кој што ќе биде разгледан од владата и ќе биде доставен до Собранието. Според него, сега сите треба веќе да се определат политичките партии во државата, дали се за ЕУ, НАТО и САД или дел од нив ќе сакаат да останат заложници на Левица и Апасиев, пренесува Инбокс7.
“Имаме предлог кој што ќе биде разгледан од владата и ќе биде доставен со Собранието и сите политички партии треба да бидат свесни дека ова е процес за интеграција во ЕУ. Впрочем многу јасни пораки испрати вчера и сенаторот Марфи од САД кој што кажа дека треба веќе да се определат политичките партии во државата, дали се за ЕУ, НАТО и САД или дел од нив ќе сакаат да останат заложници на Димитар Апасиев”, рече Ковачевски.
Тој оцени дека многу јасни пораки дојдоа од сите претставници на ЕУ и на претседатели на држави членки на ЕУ во однос на тоа која е обврската на нашата држава, додавајќи дека нормално има обврски и ЕУ.