12.8 C
Скопје
20 април, 2024
Inbox7.mk
ВЕСТИРЕПУБЛИКА

Мицкоски: Дипломатите не не разбираат кога ни велат да попуштиме за бугарските барања

Лидерот на ВМРО-ДПМНЕ, Христијан Мицкоски, вели дека странски дипломати не ги разбираат Македонците кога се обидуваат да ги убедат да попуштат пред бугарските барања, пренесува Инбокс7.

“Има и неколкумина од Европа кои велат интеграцијата е најважното прашање. Се согласувам дека е важно, но дојдете во Македонија да видите дека половина милион живеат во сиромаштија, повеќе од 30 илјади живеат во екстремна сиромаштија, со инфлација каква што нема никаде во Европа, заглавени во чекалницата пред истата таа Европа. Ова е реалниот живот!”, рече Мицкоски на трибина во општина Аеродром.

Тој додаде дека разни дипломати, претставници на странски земји му велат зошто не попуштите пред барањата на Бугарија. “Дојдете господа во Македонија Дојдете да видите кои се нашите борби и кои се нашите страдања. Да ја разберете нашата историја и да го чуете народот што мисли и како лелека”, подвлече Мицкоски.

Тој рече дека има и такви кои му велат дека ниту една земја не се изгубила на патот кон интеграцијата. “Дојдете господа во Македонија! Дојдете да видите дека ниту една друга држава не го отстапила својот идентитет, јазик и име како што тоа го направи оваа држава.”, рече Мицкоски.

 

 

Related posts

ЕУ со нов план за економски раст на Западен Балкан

admin

КУРТИ: ЗГОЛЕМЕНИ СЕ ЗАКАНИТЕ НА СРБИЈА ЗА ДЕСТАБИЛИЗАЦИЈА НА КОСОВО

ninja

Дали се реални ветувањата за повисоки пензии?

admin

Таен тендер за трет вид камери над сообраќајниците

admin

ДВЕ СУСПЕНЗИИ ВО НАЈАВА ЗА „СЛУЧАЈОТ ОНИШЧЕНКО“

ninja

Олигарсите му го вртат грбот на Путин, Мелниченко го нарече “парија”

admin