Премиерот Димитар Ковачевски одби да се изјасни дали за него е прифатливо да се формира влада без ДУИ, која би ги изгласала уставните измени, како што предложи лидерот на ВМРО-ДПМНЕ Христијан Мицковски.
„Знаете дека јас никогаш не давам изјави во име на други политички партии, а во име на лидерите на други политички партии, а уште помалку ги коментирам нивните политички позиции. Како лидер на СДСМ, нормално во координација со СДСМ, го доставив Предлогот, но и останатите коалициски партнери ќе имаат можност да се изјаснат за овој предлог. Но бидете сигурни дека секогаш пред да донесам конкретна одлука или пред да дадам изјава се консултирам со сите вклучени страни“, нагласи Ковачевски.