ВМРО-ДПМНЕ нема да гласа за уставните измени и по понудата на ДУИ за колективна оставка од владата предводена од Димитар Ковачевски.
„Уставни измени со вакви фолирања нема да има, ставот на ВМРО-ДПМНЕ е јасен. Ако сака Артан Груби веднаш нека си поднесе оставка, но проблем не е само ДУИ туку и СДС да поднесат оставки, ама неотповикливи, и да одиме на брзи предвремени парламентарни избори, бидејќи се друго е одолговлекување и играње играчки“, рече денеска партискиот портпарол, Наум Стоилковски.
Тој додеаде дека „добро е што ДУИ по 20 години власт е подготвена да замине во опозиција од каде ќе може да одговараат за криминалот и да ја докажуваат својата невиност“.
Во однос на изјавата на Артан Груби дека ДУИ е подготвена да се откаже и од првиот премиер Албанец, како столб на нејзината последна изборна кампања, Стоилковски со став: „Мислам дека потешко им е на СДС отколку на ДУИ да ја прифатат идејата Артан Груби и де факто да не им биде премиер“.