Уставните измени и состојбата во Косово биле клучни теми на средбата на Заменикот помошник-државен секретар на САД, Габриел Ескобар, со лидерот на ДУИ, Али Ахмети, пренесува Инбокс7.
“Г-дин Ескобар изрази целосна поддршка за европската интеграција на земјата, која се постигнува преку усвојување на уставните измени, а јас ја истакнав нашата целосна подготвеност да го водиме овој процес”, рече Ахмети по средбата.
Тој информираше дека Косово исто така била тема на разговорот со Ескобар.
“Косово беше наша заедничка грижа, во тој случај и двајцата ценевме дека Охридскиот договор меѓу Косово и Србија е историски и треба да се спроведе без никакво одлагање”, изјави Ахмети
Соединетите Американски Држави, според Ахмети, се најценетиот пријател не само на Косово, туку и на сите Албанци и на целиот регион. “Албанците особено се благодарни за американската улога и придонес за слободата, мирот и демократијата и оваа наша благодарност не може да се разниша”.