38.8 C
Скопје
12 јули, 2024
Inbox7.mk
ВЕСТИНАСЛОВНАРЕГИОН

Вархеји: Ако Советот сака да го оствари проширувањето, тоа е добредојдена вест

Европскиот комесар за соседство и проширување Оливер Вархеји денеска реагираше на предлогот на претседателот на Европскиот совет Шарл Мишел дека ЕУ и земјите кандидати треба да бидат подготвени за проширување до 2030 година, пренесува Инбокс7.

„Она што мислам е дека ако ова е порака од Советот дека Советот сака конечно да се вклучи и да направи голем скок за да се случи проширувањето, ова е добредојдена вест“, рече Вархеји на новинарите во Толедо, каде што учествува на неформален состанок на министрите за надворешни работи на ЕУ.

Тој додаде дека Комисијата отсекогаш била подготвена да даде секој предлог што би довел до таму.

„Не мислам дека станува збор за датуми. Мислам дека тоа е повеќе прашање на волја, а исто така и прашање на испорака; испорака на страната на ЕУ, но и испорака на страната на нашите партнерски земји од Западен Балкан или другите три земји кандидати“, рече комесарот.

Вархеји потсети дека Комисијата е подготвена да даде каков било предлог за да стигне таму, што ќе се види веќе во октомври кога ќе сака да даде суштински предлози вклучувајќи го и Планот за раст, кој претседателката Урсула фон дер Лајен веќе го објасни во Братислава.

„Ќе ја забрза не само институционалната, туку и вистинската интеграција. Вистинската интеграција на луѓето и економиите во Европската унија“, рече Вархеји.

На прашањето што треба да види од страната на Советот за тој датум од 2030 година да стане реалност, комесарот рече дека Советот треба „да продолжи со сите предлози што ги правиме и да ја донесе секоја одлука што можеме да ја донесеме, мала или голема“.

„Така, на пример, донесување одлуки за МГК, донесување одлуки за финансирање, донесување одлуки за вистинска интеграција во Европската унија веќе пред пристапувањето“, заклучи тој.

Related posts

Зошто Путин го запре целиот извоз на бензин и дизел надвор од Русија?

admin

Цингел: На ЕУ и се брза, но Србија го чека исходот од изборите во САД

admin

Дали државата планира стратегија со која ќе стане рударска колонија на ЕУ?

admin

СРБИТЕ ВО СЕВЕРНО КОСОВО ГИ НАПУШТААТ БАРИКАДИТЕ

ninja

АНАЛИЗА НА ДОЈЧЕ ВЕЛЕ: Албанската опозиција го доби четвртиот партнер, ќе има ли петти?

admin

Маричиќ-Бурк: Ирска може да ни служи како пример за брзо членство во ЕУ

admin