Претседателот Џо Бајден остро ги осуди терористичките напади на Хамас во изјавата во вторникот од Белата куќа, три дена откако борците на Хамас извршија ненадеен напад врз Израел, што предизвика сеопфатна војна меѓу двете страни, јавија американските медиуми.
„Во овој момент мора да бидеме кристално чисти, ние стоиме со Израел“, рече Бајден.
„Ова беше чин на чисто зло“, рече Бајден, додавајќи дека повеќе од 1.000 цивили биле „заклани“ во Израел.
Бајден потврди дека биле убиени 14 американски државјани.
„Загубата на невини животи е срцепарателна“, рече претседателот.
Бајден ги повика Американците да ја остават настрана политиката за да се обединат за да им помогнат на Израелците.
„Нема место за омраза во Америка – ниту против Евреите, ниту против муслиманите, ниту против никого“, рече Бајден.
„Ние го отфрламе тоа. Ние го отфрламе овој тероризам“, рече американскиот претседател.
Тој изрази сочувство за жртвите.
„Сите знаете дека овие трауми никогаш не исчезнуваат, има уште толку многу семејства кои очајно чекаат да ја слушнат судбината на своите најблиски, не знаејќи дали се живи или мртви или се заложници“, рече Бајден.