6.8 C
Скопје
4 март, 2024
Inbox7.mk
ВЕСТИНАСЛОВНАРЕПУБЛИКА

Обвинителство поднесе обвинение за Феникс, за спомениците од Скопје 2014

Основното јавно обвинителство (ОЈО) поднесе обвинение против пет луѓе и шест фирми за случајот Феникс. Тие се товарат дека переле пари.

Според обвинението, првообвинетиот, од втората половина на 2008 година до крајот на 2022 година во Скопје, за да прикрие дека поседува и располага со пари што потекнуваат од казниво дело и дека со нив создава нови приноси, како организатор, создал група што се занимава со перење на пари.

Во јуни кога беше отворена истрагата, беше речено дека се однесува на злоупотреби на пари за изработка на најголемите споменици од Скопје 2014, проект на владата предводена од Никола Груевски од ВМРО-ДПМНЕ, со кој се смени изгледот на центарот на Скопје.

Воинот на коњ, спомениците на Даме Груев, Гоце Делчев, Никола Карев, Методија Андонов – Ченто, Цар Самоил, Гемиџиите, Цар Јустинијан, прво заседание на АСНОМ и споменик за основачите на ВМРО и лавовите се опфатени во истрагата „Феникс“ на Основното јавно обвинителство за гонење на организиран криминал и корупција.

Кога беше отворена истрагата беше речено дека над 16 милиони евра државни пари биле префрлени на општина Центар, која во периодот од 2007 до 2013 година склучувала договори со италијански леарници на споменици, кои, пак, работата ја завршувале нивни подизведувачи за многу помали пари.

Првоосомничен е поранешниот премиер во бегство, Никола Груевски, второосомничен поранешниот министер за финансии, Зоран Ставрески, а на долгата листа на осомничени се наоѓа и поранешната министерка за култура, Елизабета Канческа – Милевска, поранешните градоначалници на општина Центар, Владимир Тодоровиќ и Виолета Аларова, потоа поранешниот претседател на Советот на истоимената општина, Владимир Здравев и други.

Според обвинението во состав на групата делувале и обвинетите фирми кои биле капитално, персонално и финансиски поврзани. На пет, од вкупно шесте фирми, првообвинетиот бил вистински сопственик, косопственик или управител.

Членовите на групата работеле и со други домашни и странски соработници и фирми. Имале намера парите стекнати со нелегални дејствија да ги внесат во јавните финансии, платниот промет и стопанството во Северна Македонија и да ги помешаат со легалните приходи, кои понатаму ќе создаваат нови приноси од казниви дела. Дел од парите се пуштале директно во државата, а дел преку други држави повторно доаѓале во Северна Македонија.

„Потоа со конверзија на овие средства било прикриено нивното потекло и тие биле пуштени во оптек за прибавување на имот во државава и во странство и претворени во друг вид на имот или имотни права, a со цел да се прикрие нивната понатамошна локација, движење или сопственост, стекнување на нови користи (приноси) и трансформации на незаконски стекнатите пари и нивно помешување во легалните економски текови на финансискиот систем на Република Северна Македонија“, стои во соопштението на ОЈО.

На тројца од обвинетите им е определена мерка домашен притвор. Според досегашните докази, групата делувала преку формирање на фирми во странство, реализирање банкарски трансакции од и кон странски држави и купување на имоти во странство. Обвинителството вели според тоа доколу побегнат обвинеттие ќе имаат и материјални, финансиски и логистички можности да останат недостапни на органите на прогонот подолг временски период или целосно да ја одбегнат кривичната одговорност. Поради тоа им е продолжен домашниот притвор на три лица, а на едно му е предложена мерката за претпазливост, односно да се јавува еднаш неделно во Суд.

Целиот имот (хотел, деловни простории, станбени единици и други недвижни и подвижни предмети) идентификуван во текот на постапката е привремено обезбеден и ќе биде предложен за конфискација. /РСЕ

Related posts

КОЈ ЌЕ БИДЕ ПРОГЛАСЕН ЗА ПЕРСОНА НОН ГРАТА НА 4 ФЕВРУАРИ?

ninja

Видео од Украина се користи за да се прикаже употреба на фосфорни бомби во Газа, во „игра“ и видео од игри

admin

ЕУ ќе и додели на Турција 400 милиони евра за санација на последиците од земјотресите

admin

Сликите на косовски борци на УЧК доминираат во Музејот во Сопот претставен дека е во чест на селаните убиени во 1944 година

admin

НЕИЗВЕСНО КОГА ЌЕ ПОЧНЕ ПОСТАПКАТА ЗА УСТАВНИТЕ ИЗМЕНИ

ninja

МАКЕДОНИЈА НАПРЕДНА ЗА ЕДЕН ПОЕН НА ЛИСТАТА НА ФРИДОМ ХАУС

ninja