Уапсениот за убиството на 14-годишното девојче во Македонија, Љупчо Палевски – Палчо бил близок со македонски свештеник кој комуницирал со рускиот свештеник протеран од Софија, изјави познатиот бугарски новинар, Николај Крастев, во емисијата „Денот во живо“ на НОВА ВЕСТИ. Повод за неговиот коментар е посебната благодарност на македонскиот министер за внатрешни работи до бугарските служби, кои пријавиле дека Палевски минува низ нашата земја и така успеал да го фати во Турција.
„Интересна е групата во која членуваше Љупчо Палевски – Палчо, очигледно беше под посебен чадор. Овој човек водеше антибугарска кампања, водеше кампања против Бигорскиот манастир. Палевски познавал двајца митрополити на Македонската православна црква, од кои едниот бил во контакт со поглаварот на Руската црква во Софија, кој бил протеран од Бугарија. Палевски е лидер на антиевропската партија „Десна“”, појасни Крастев.
Според него, во Македонија се пронајдени списоци со лица кои требало да бидат киднапирани, уценети, убиени по претресите на групата поврзана со Палевски…
“Скандалот ќе ги надмине границите на Македонија. Тоа е група за притисок, има одредени причини за кои се добро финансирани однадвор, веројатно од Русија. Не случајно оди во Белград, цело време го вози адвокатот“, рече Крастев.
Партијата на Палевски беше една од двете партии на кои им се даде надеж за антибугарска кампања, прецизира новинарот. На 12 декември партијата „Десна“ требаше да прослави 1 година од формирањето. Сега се зборува дека оваа политичка формација треба да се тргне од регистарот.
За уставните измени во Република Македонија, познавачот на Балканот е песимист дека тие ќе се случат овој месец. ВМРО-ДПМНЕ, најголемата опозициска партија во македонскиот парламент е против. На владејачкото мнозинство му недостигаат 7-8 гласа за да ја одобри оваа одлука, додаде Николај Крастев.