8.8 C
Скопје
24 април, 2024
Inbox7.mk
ВЕСТИНАСЛОВНАСВЕТ

Русија развива антисателитско нуклеарно оружје

Кремљ во четвртокот го отфрли предупредувањето на Соединетите држави за новите нуклеарни капацитети на Москва во вселената, нарекувајќи го „злонамерна измислица“ и трик на Белата куќа со цел да ги натера американските законодавци да одобрат повеќе пари за спротивставување на Русија, јави Ројтерс.

Соединетите Држави им кажаа на Конгресот и на сојузниците во Европа за новите разузнавачки информации поврзани со руските нуклеарни капацитети кои би можеле да претставуваат меѓународна закана.

Американските власти рекоа дека станува збор за руско антисателитско оружје кое е во развој, а не за непосредна закана.

Портпаролот на Кремљ, Дмитриј Песков, рече дека нема да коментира за суштината на извештаите додека Белата куќа не ги открие деталите. Но, тој рече дека предупредувањето на Вашингтон е очигледно обид да се натера Конгресот да одобри повеќе пари.

„Очигледно е дека Белата куќа се обидува, со јадица или измама, да го охрабри Конгресот да гласа за нацрт-законот за доделување пари; тоа е очигледно“, им рече тој на новинарите.

„Ќе видиме какви трикови ќе користи Белата куќа”.

Заменик-министерот за надворешни работи Сергеј Рјабков, главен човек на Москва за контрола на оружјето, ги обвини Соединетите држави за „злонамерна измислица“, пренесе ТАСС.

Американскиот државен секретар Антони Блинкен за новинарите за време на посетата на Тирана, Албанија, во четвртокот изјави дека Вашингтон разговара со сојузниците и партнерите за ова прашање.

„Ова не е активна способност, но е потенцијална што ја сфаќаме многу, многу сериозно”, рече тој.

 

Related posts

Распишувањето на изборите ќе го „отклучи“ Избирачкиот список

admin

Тројца загинати во колата што падна во реката Лепенец, реагира Пацоли

admin

СОНК и Образование се договорија – зголемување на платите за 15 отсто од септември

ninja

“ОГНЕНАТА ГРУПА” ЈА ВЖЕШТИ АТМОСФЕРА ВО ДУИ

admin

GOOGLE го стега ременот, нов бран на отпуштања

admin

ЕК оценува како ќе се одрази таксата за транзит на руски гас

admin