8.8 C
Скопје
24 април, 2024
Inbox7.mk
ВЕСТИНАСЛОВНАРЕПУБЛИКА

Форум за потребата од вмрежување на образованието, науката и економија базирана на иновации

Форум за разумни политики (ФРП), во соработка со партнерските организации Институтот за општествени и хуманистички науки (ИОХН) и Балканскиот институт за регионална соработка (БИРС), на 27 март (среда) во хотелот „Панорамика“ во Скопје, го организира тематскиот форум „Густа плетка: за потребата од вмрежување на образованието, науката и економија базирана на иновации“. 

Настанот се одржува во рамки на проектот „Застапување за инклузивен развој“, поддржан од Владата на Швајцарија преку програмата Цивика мобилитас.

„Целта на форумот е да биде иницијална точка на соработка помеѓу претставници на релевантните институции, академската и граѓанската заедница со кои ја делиме заедничката визија за доследна примена на Болоњскиот процес, особено за неговата темелна вредност-мобилност преку измени во Законот за високо образование“, се вели во соопштението.

Според носителите на проектот, преку форумот јавноста ќе биде информирана повеќе за досегашните нивни заложби на темата за поквалитетно високо образование, а потоа заеднички да се одредат следните чекори кои ќе водат кон создавање соодветна клима за поефикасно застапување.

„Во овој процес, медиумите ги гледаме како партнери кои континуирано ќе учествуваат во подигнување на јавната свест за темелните вредности како право на студирање, право на работа и право на добра администрација“, се вели во соопштението.

Related posts

ДЕН ЗА ПРЕИСПИТУВАЊЕ: ПОГЛЕД ВРЗ КОРУПЦИЈАТА

ninja

Стари фотографии употребени за ширење паника, омраза и лажни вести

admin

Анкетата на ИРИ во Северна Македонија покажува зголемување на руското и кинеското влијание

ninja

Низ Западниот Балкан ќе се патува со лични карти

ninja

Десетици закони и одлуки во Собрание чекаат „брзи прсти“

admin

Албанија може да не ги продолжи преговорите, Грција ја постави првата бариера

admin