ДУИ ја обвини Владата на Северна Македонија дека го напаѓа, како што го нарече, „најуспешниот министер за надворешни работи“ што го имала државата, реагирајќи на последните критики против поранешниот шеф на дипломатијата, Бујар Османи.
„Владата, која беше означена од 461 европратеници како инструмент на ‘српскиот свет’, се обидува да фрли сенка врз работата на најуспешниот министер за надворешни работи во историјата на земјата,“ соопшти партијата во реакција испратена во понеделникот.
ДУИ наведува низа дипломатски постигнувања во мандатот на Османи, меѓу кои членството во НАТО, кое беше финализирано во неговиот мандат, отворањето на преговорите за членство во ЕУ, ретседавањето со ОБСЕ во една од најкризните години за организацијата, отворањето на Стратешкиот дијалог со САД, 100-процентно усогласување со надворешната и безбедносната политика на ЕУ, формирањето на регионалната иницијатива QUAD со Албанија, Косово и Црна Гора, ротерувањето на 20 руски дипломати како реакција на инвазијата врз Украина, јасната и активна поддршка за Украина, коспонзорирањето на резолуцијата за признавање на геноцидот во Сребреница во Обединетите нации.
„Последниот извештај на Европскиот парламент недвосмислено ја истакнува работата на Министерството за надворешни работи како единствен позитивен сегмент во годишниот извештај за земјата,“ наведуваат од ДУИ.
Партијата додаде дека нападите од страна на, како што ја нарече, „влада што ѝ служи на српскиот свет“, не можат да го поништат наследството на Османи, туку напротив – го потврдуваат неговиот правец.