Заменикот на премиерот на Северна Македонија, Изет Меџити, изјави дека коалицијата ВЛЕН ќе настапи со свои кандидати на претстојните локални избори, вклучително и во Општина Кичево.
„Во тек се финалните анализи внатре во ВЛЕН и верувам дека идната недела ќе ги објавиме сите кандидатури, освен за Струга, каде веќе имаме кандидат“, изјави Меџити за „Телеграфи Македонија“.
Тој посочи дека ВЛЕН ќе има кандидати и за Град Скопје, општината Чаир и за сите други општини.
Меџити додаде дека, како и во претходните изборни циклуси, партиите од владејачката коалиција ќе соработуваат и ќе се поддржуваат меѓусебно каде што тоа ќе биде потребно.