Неколку згради околу седиштето на ВМРО-ДПМНЕ на плоштадот ВМРО во центарот на Скопје денеска беа евакуирани откако беше забележан сомнителен куфер, соопшти полицијата.
Вработени од Јавното претпријатие за државни патишта, кое се наоѓа веднаш до зградата на опозициската партија, изјавија за локалните медиуми дека им било наредено веднаш да ја напуштат зградата поради закана за бомба.
Министерството за внатрешни работи подоцна соопшти дека куферот бил празен.
„Денеска во 12:55 часот лице од обезбедувањето на Јавното претпријатие ‘Државни патишта’ пријавило дека на видео-надзор биле забележани две лица како го разгледуваат местото, а едното од нив оставило куфер. Веднаш биле преземени мерки и активности, извршени проверки и утврдено е дека куферот е празен,“ соопштија од МВР.
На местото имаше силно полициско присуство, а пристапот до околните згради беше ограничен додека траеше истрагата.