Непознато лице синоќа влегло во редакцијата на интернет-порталот „Инфомакс“ во Скопје и физички нападнало членови на екипата додека во живо се емитувала емисијата „Тешки муабети“, соопшти редакцијата.
Инцидентот се случил нешто пред полноќ. Напаѓачот влегол во студиото, упатувал закани и оштетил имот, по што емисијата била прекината. Главниот уредник Александар Митовски изјави дека нападот се случил „во момент кога се отворала тема поврзана со мигрантите“.
Министерството за внатрешни работи соопшти дека полициски екипи интервенирале веднаш по пријавата и презеле мерки за идентификација на сторителот.
Новинарски здруженија и повеќе јавни фигури го осудија инцидентот, повикувајќи на обезбедување безбедни услови за работа на медиумите.