Министерот за здравство, Азир Алиу, денеска изјави дека предлог-законот за заштита од пушењето, кој се очекува да стапи на сила на 1 март, не е рестриктивен, туку го воспоставува европскиот стандард за заштита на јавното здравје.
Алиу истакна дека целта на законот е да се намали бројот на пушачи и трошоците за лекување на болестите предизвикани од цигарите, а не да се казнуваат граѓаните. Пушењето ќе биде забрането во затворени јавни простории, пред болници, училишта и градинки, како и во автомобили во присуство на дете.
Министерот посочи дека бизнисите нема да бидат затворени, бидејќи пушењето ќе биде дозволено во одредени простории, како што се тераси отворени од три страни. Законот исто така предвидува забрана за електронски цигари со вкусови и други уреди кои содржат никотин.
Предлог-законот е објавен за јавна расправа на ЕНЕР, каде сите заинтересирани може да дадат коментари пред неговото конечено усвојување.