Пратеникот на ВЛЕН, Аднан Азизи, реагираше остро на изјавите на лидерот на ДУИ, Али Ахмети, кој по средбата на лидерите најави дека ќе бара директни средби со премиерот Христијан Мицкоски за да разговара за клучни прашања.
Во објава на Facebook, Азизи го обвини Ахмети за „недостаток на храброст да зборува отворено на заедничката маса“ и за тенденција кон тајни средби со власта, кои, според него, се на штета на интересите на албанската заедница во земјата.
„Кога немаш храброст да зборуваш на масата на лидерите, бараш тајни средби за да се приближиш до власта на штета на интересите на Албанците,“ напиша Азизи.