Американскиот претседател Доналд Трамп изјави дека не верува оти Украина се обидела ја погоди резиденција на рускиот претседател Владимир Путин во наводен напад со дронови, и покрај тврдењата на Москва.
Русија претходно ја обвини Украина дека кон крајот на минатиот месец лансирала 91 дрон со долг дострел кон имот во северниот регион Новгород, за кој Кремљ тврди дека го користи Путин.
Трамп рече дека по проверките спроведени од американските власти, нема индикации дека резиденцијата била цел.
„Не верувам дека тој напад се случил. Сега, кога бевме во можност да провериме, не мислиме дека тоа се случило,“ изјави Трамп, додавајќи дека „нешто можеби се случило во близина“, но дека резиденцијата не била таргетирана.
Трамп претходно изрази загриженост поради руските тврдења, велејќи дека за инцидентот првично бил информиран од Путин. На 29 декември тој изјави дека САД ќе ја разгледаат наводната евиденција за нападот, додавајќи: „Не ми се допаѓа тоа. Ова не е вистинско време за такви работи.“
Обвинувањата од Москва дојдоа еден ден откако украинскиот претседател Володимир Зеленски одржа разговори со Трамп на Флорида за можните чекори за ставање крај на војната.
Русија објави и снимки за кои тврди дека прикажуваат дрон користен во нападот, но Зеленски ги оцени тврдењата како „лажни“.
Украина и западните сојузници ја доведоа во прашање веродостојноста на руските обвиненија, а европски официјални лица сугерираа дека Москва се обидува да го подриe мировниот процес.
По објавувањето на тврдењата, Русија соопшти дека ќе ја преиспита својата преговарачка позиција во разговорите со САД за ставање крај на војната во