Шефот на македонската дипломатија, Бујар Османи, во својство на претседавач со ОБСЕ, утре во Тетово свечено ќе ја отвори Конференцијата за родова еднаквост и зајакнување на положбата на жената, во организација на Организацијата за безбедност и соработка во Европа, пренесува Инбокс7.
Високи лидери на организацијата како Хелга Шмид – генерален секретар на ОБСЕ, Пиа Каума – претседавач на Парламентарното собрание на ОБСЕ, претставници од 57 земји – земји учеснички на ОБСЕ, шефови на автономни институции на ОБСЕ и претставници на медиумите ќе бидете дел од Конференцијата.
Настанот предвидува панели на кои различни професори, истражувачи и експерти ќе разменуваат мислења за особено важни теми како што се: родова еднаквост, мир и безбедност; зајакнување на учеството и лидерството на жените; родова еднаквост во политичкиот живот, успешни практики од терен за родови прашања итн.