26.8 C
Скопје
15 јули, 2024
Inbox7.mk
ВЕСТИ

БИСЛИМОСКИ УВЕРУВА ДЕКА И ОД 1 ЈАНУАРИ ЌЕ ФУНКЦИОНИРА ПАЗАРОТ ЗА ПРИРОДЕН ГАС

Регулаторната комисија за енергетика и водни услуги (РКЕ) има издадено околу 12 лиценци за трговија и снабдување со природен гас и пазарот за природен гас ќе продолжи да функционира и од 1 јануари, нагласи денеска претседателот на РКЕ, Марко Бислимоски.

Тој додаде дека сите учесници на пазарот биле повикани да ја следат припремата на новите подзаконски акти и биле информирани дека од 1 јануари тие ќе стапат во сила, кога на пазарот на природен гас стапуваат новите правила.

Притоа појасни дека најголемиот потрошувач на пазарот во земјава, ТЕ-ТО ги има обезбедено своите потребни количини од природен гас и за 2023 година, што е околу 70-75 проценти од вкупната потрошувачка на природниот гас во државата.

„Државата го има договорот со Газпром и апсолутно си го почитува до крај. Овој дополнителен капацитет од 500 илјади нормални кубни метри за којшто помогнаа Булгартрансгас и ГА-МА да се зголеми, ќе биде предмет на аукција и за тој капацитет ќе може да се јават, а и веќе се јавиле од бугарска страна двајца трговци со природен гас коишто го закупиле. Тие штом го закупиле сигурно дале пари за тоа се и заинтересирани да влезат и на нашиот пазар за природен гас. Значи, тие 800 илјади нормални кубни метри остануваат во функција и Газпром преку компанијата Макпетрол може да ги стави на располагање на македонските потрошувачи“, дополни Бислимоски.

Инаку вчера компанијата Макпетрол најави дека од 1 јануари нема увезува и да испорачува природен гас до своите потрошувачи. Како причина за ова ги наведе новите услови за работа кои ги предвидува, според нив, прерано потпишаниот договор за интерконекција меѓу државното претпријатие „ГА-МА“ АД и „Булгартрансгас“, со што не се применливи досегашните услови според кои компанијата увезува и испорачува природен гас до своите потрошувачи.

Од „ГА-МА“ АД пак повикаа на одговорност во ек на енергетска криза.

Related posts

Туризмот колатерална штета на македонско бугарскиот спор

admin

ИЗБОРИТЕ ВО САД ОДЛУЧУВААТ ЗА ДЕМОКРАТИЈАТА ВО ЗЕМЈАТА

ninja

Незири: Не ЕУ, туку институциите се виновни за долгото чекање пред ЕУ

admin

Разрешени директори, ќе се бара смена на министри на АА

admin

Кој е човекот што пукаше во Трамп?

admin

Аеродромите во Белград и Скопје „дувло за недозволени активности“

admin