37.8 C
Скопје
21 јуни, 2024
Inbox7.mk
ВЕСТИНАСЛОВНАРЕПУБЛИКА

Србија продолжува да се качува како најпрепознатлив пријател на нашата држава

Истражување на Преспа Институт покажаа дека САД се први за демократскиот развој на Северна Македонија, а Србија најпријателска држава, јави Гласот на Америка, пренесува Инбокс7.

Србија е прва и на прашањето „со која држава Северна Македонија споделува најмногу вредности или интереси“ со поддршка од 62,8 отсто, Албанија е втора со 14,9 проценти, па Косово со 2,8. За Бугарија се произнеле 1,5 проценти од испитаниците.

„Србија продолжува да се качува како најпрепознатлив пријател на нашата држава. Најважен критериум за тоа се споделуваните вредности и интереси, но не до тој степен во делот на демократијата и економијата.“, изјави Ивана Јордановска од Институтот Преспа.

За изминатите три години порастот во делот на позитивната перцепција за Србија пораснал за дури 30 отсто што, според истражувачите, може да се должи на помошта од Белград со Ковид-вакцините и на надминувањето на црковното прашање.

САД најмногу имаат придонесено за демократскиот развој на Северна Македонија, ЕУ е прва за економскиот прогрес на земјата, додека Србија се перципира како најпријателска држава – ова го покажуваат резултатите од истражувањето на јавното мислење на Преспа Институтот спроведено во април и мај.

Од 1 500 испитаници 24,2 отсто рекле дека Америка најмногу придонела за демократијата во Северна Македонија, 21,2 проценти одговориле дека ЕУ е најодговорна за економскиот развој, додека дури 45,3 отсто ја сметаат Србија за најголем пријател, а само 6,8 отсто тоа го кажале за САД.

Кај Русија пак, се забележува пад во споредба со другите години – годинава само 1,1 отсто од испитаниците одговориле дека оваа земја ја сметаат за најголем пријател, што е двојно помалку од лани кога тој процент изнесувал 2,2 отсто.

Во делот на ЕУ, поддршката се уште останува голема, иако има одредено намалување – за 61 процент од испитаниците членството во Унијата е најдобра опција за Македонија, додека 34 отсто одговориле дека треба да се бара некоја друга алтернатива.

61 процент од граѓаните одговориле дека доколку утре се одржи референдум за членство во ЕУ би гласале за, а 30 отсто би биле против.

Related posts

Зеленски бара балканско оружје и поддршка на самитот во Албанија

admin

Мицотакис или Ципрас, кој ќе победи на парламентарните избори во Грција?

admin

Гир: Не е точно дека ЕУ не ја сака Македонија

admin

Турските власти велат дека уапсиле 11 агенти на Мосад кои набљудувале ирански државјани

admin

АРД за Северна Македонија: Вечна потрага по идентитетот

admin

Расмусен: Безбедносен интерес на САД е Русија да биде поразена

admin