Министерот за здравство, Фатмир Меџити, вели дека во болниците во земјава операциите се вршат со стар и ‘рѓосан алат, пренесува Инбокс7.
Во емисијата Клан Дебата на телевизија КланМ вели дека половина од болниците во земјата не ги исполнуваат условите за работење.
„Оперирана е и госпоѓата новинарка. Така се оперира 10 години. И јас сум изненаден. Нарачавме веднаш. Апсолутно, работи со ‘рѓосани алатки и жал ми е за тоа. Верувај ми. Ако почнеме сега да вршиме инспекциски надзор во сите овие болници, верувајте дека половина од болниците во Македонија не ги исполнуваат условите да бидат болници. Мора да се затворат“, изјави министерот Меџити.
Меџити рече дека овој проблем го покренал во Владата и веднаш презел мерки, но има одложувања поради процедурите.