31.8 C
Скопје
12 јуни, 2024
Inbox7.mk
ВЕСТИНАСЛОВНАРЕПУБЛИКА

Муслиу: С.Македонија не може да функсионира со влада без победничката партија кај Албанците

Албанските политички субјекти можат да ја напуштат Владата само доколку одлучат дека тоа е заради прашање што е важно за албанскиот гласач. Вака оценува политичкиот аналитичар Алберт Муслиу во изјава за kdp.mk, пренесува Инбокс7.

Тој нагласува дека Северна Македонија, сепак, не може да функционира со влада без присуство на албански политички партии.

„Ако сите албански субјекти решат да ја ослободат Владата за ВМРО-ДПМНЕ да ги изгласа уставните измени и да почне процес на отворање поглавја со ЕУ, тоа не е спорно. Но, Северна Македонија не може да функционира без албанската партија, не само без албанските партии, туку не може да функционира и без победничката албанска партија. Односно, во Влада мора да биде присутна партијата што ќе освои мнозинство гласови од Албанците, а второ, ова важи само за немнозинската заедница, значи важи само за Албанците, не и за македонските политички партии“, вели Муслиу.

Муслиу нагласува и дека некогаш македонските политички партии имаа право да прават што сакаат само затоа што ги освојуваа мнозинството од македонските гласови, но сега веќе се сменети околностите.

„Запомнете дека и ние живеевме во период кога македонските политички партии само затоа што ги добиваа мнозинството македонски гласови можеа да прават што сакаат, кога со навредливи ставови им се обраќаа и на Албанците. Но тоа веќе е сменето, така што секоја следна Влада треба да биде со претставникот на албанското мнозинство, како и со македонската политичка партија, што е покоректно“, рече Муслиу.

Related posts

ЕУ: 21% од населението изложено на сиромаштија или социјално исклучување

admin

Николај Крастев: Партијата на Палевски беше една од двете антибугарски формации

admin

Започнуваат деновите на германскиот филм

admin

Кој е илинденскиот идеал на денешната генерација?

admin

ЧАДИКОВСКИ РЕИЗБРАН ЗА ПРЕТСЕДАТЕЛ НА ЗНМ

ninja

Мицкоски: Не ни треба Пржинска влада

admin