Министерот за надворешни работи, Бујар Османи, воедно и потпретседател на ДУИ, денеска во Скопје изјави дека неговата партија стои на ставот дека ќе излезе од Владата кога ВМРО ќе гласа за уставните измени, пренесува Инбокс7.
Ставот на ДУИ, истакна тој, останува ист од денот кога одлуката е донесена. “Ставот можеме и сега да го потпишеме, да го доставиме, не знам каде, до Собранието или до премиерот. Истото стапува на сила од денот кога ВМРО-ДПМНЕ ќе гласа за уставните амандмани, за да не е потребна нова одлука на ДУИ за ова, сега сме спремни да ја потпишеме одлуката и да ја испратиме до премиерот, Собранието, политичките партии, а истото да стапува на сила во моментот кога ВМРО ќе ги гласа уставните измени, без потреба од нова консултација со нас“, изјави потпретседателот на ДУИ, Бујар Османи на редовниот брифинг со новинарите.