21.8 C
Скопје
23 мај, 2024
Inbox7.mk
ВЕСТИНАСЛОВНАРЕПУБЛИКА

Министер на Курти допатува на средба кај Ахмети, реагира Касами

Лидерот на ДУИ, Али Ахмети, денеска оствари ненадејна средба со косовскиот министер за инфраструктура, Либурн Алиу. Министерот на Косово, кој е близок соработник на премиерот Курти, допатува во Мала Речица за да разговара со Ахмети. Средбата доаѓа по реакциите кои ги предизвика посетата на Курти, на Тетово. и Чаир, при што Алиу рече дека е пратен од Курти за да разговара со Ахмети за патот Тетово-Призрен, јавува Инбокс7.

 

„Овој пат веќе има физибилити студија која ја изработи Северна Македонија. Во фаза сме на финансиски договор да го реализираме проектот, проектирањето за заедничкиот тунел и потоа да преминеме во фаза на целосна реализација на овој проект“, рече министерот Алиу.

Првиот човек на ДУИ, Али Ахмети, рече дека меѓувладините тимови сериозно се занимаваат со ова прашање, за што побрзо да се затвори дизајнот и да почне реализацијата.

„Патиштата ја олеснуваат циркулацијата, циркулацијата овозможува поразвиена, понапредна економија и верувам дека меѓувладините тимови сериозно и активно се занимаваат со оваа проблематика, за да може што поскоро да се заврши проектирањето“, изјави Ахмети.

Коментирајќи ја денешната средба Ахмети-Алиу, првиот човек на Тетово Билал Касами вели дека не верува оти ДУИ има капацитет да го изгради патот Тетово-Призрен.

„Се сомневам дека ДУИ го има во своите приоритети и има капацитет да го истурка овој пат напред. Али Ахмети е дел од Владата, Али Ахмети многу добро знае дека и во многу други случаи се организирале официјални, партиски собири од најразлични форми, со истата иконографија и на никој не му текнало да повика некого во полиција. Али Ахмети се плаши од таа покана и од тој масовен одговор на албанските граѓани на посетата на премиерот на Косово и се чини дека си ги брои последните денови“, рече Касами.

Related posts

Трета републиканска претседателска дебата, Трамп доминира

admin

Дали Спасовски ќе се кандидира за претседател?

admin

Претставник на Стејт департментот поднесе оставка политиката на Бајден за војната меѓу Израел и Газа

admin

СТУДЕНТСКИ ОБРОК: ДОБАР АДУТ ЗА ФАЛЕЊЕ ВО ОН, ЛОШ ЗА БУЏЕТОТ

ninja

Министерствата штедат струја со темни ходници

ninja

ВМРО-ДПМНЕ: Власта на ДУИ и СДС веќе не е само закана за народните пари

admin