25.8 C
Скопје
21 мај, 2024
Inbox7.mk
ВЕСТИНАСЛОВНАРЕПУБЛИКА

Средба Пендаровски-Агелер, во фокус – евроинтергацискиот процес

Македонско- американските односи се одвиваат со одлична динамика, во духот на стратешкото партнерство и сојузништвото во НАТО. Ова е посочено на денешната средба на претседателот Стево Пендаровски со амбасадорката на Соединетите Американски Држави, Анџела Прајс Агелер, се вели во соопштението од Кабинетот на претседателот, пренесува Инбокс7.

Пендаровски и Агелер разговарале и за одвивањето на евроинтегративниот процес, како и за следните чекори кои треба да бидат преземени во таа насока. Дополнително тема на дискусија била и состојбата во поширокиот регион во контекст на руската агресија врз Украина.

„Претседателот Пендаровски истакнувајќи дека нашата држава придава особено значење во развојот на односите со САД, изрази уверување дека американската поддршка ќе продолжи и во периодот што претстои, како гарант за мирот, стабилноста и просперитетот на Западниот Балкан“, се наведува во соопштението.

Еден ден претходно Агелер во интервју за Канал 5 ја претстави позицијата на Вашингтон околу преговорите на Македонија со Европската унија (ЕУ), потенцирајќи дека е „лажна вест“ оти може да се смени преговарачката рамка усвоена лани летото.

Таа нагласи и дека „обврските мора да се исполнуваат“.

Агелер во интервјуто не сакаше директно да ја коментира најавата на опозицијата дека нема да гласа за уставните измени но додаде дека се надева „ дека пратениците, лидерите и членовите на сите политички партии повторно ќе го препознаат овој клучен момент за земјата и ќе донесат одлуки кои се за доброто на граѓаните, а не во интерес на нивните политички или лични аспирации“.

Основен услов за продолжување на преговорите со ЕУ, односно за закажување на Втората меѓувладина конференција со цел отворање на кластерите од преговорите е измена на македонскиот Устав со цел вметнување на Бугарите во Преамбулата.

Пленарната седница на која главна тема ќе бидат уставните измени е закажана за 18 август. Засега нема консензус меѓу власта и опозицијата за измените со кои и Бугарите би влегле во Уставот.

Related posts

Во Куманово ќе се потврдува поддршката за Таравари

admin

С.Македонија на дното, Луксембург, Германија и Австрија најразвиени економии во ЕУ

admin

Нов однос кон Софија или загревање за избори?

admin

СИЛНО ЕХО ПО ПОТЕРНИЦАТА ЗА ВОЕНИ ЗЛОСТОРСТВА ЗА ПУТИН

ninja

ВОЈНАТА ВО УКРАИНА МОЖЕ ДА ПРЕРАСНЕ ВО ВОЈНА МЕЃУ НАТО И РУСИЈА, РЕЧЕ СТОЛТЕНБЕРГ

ninja

Мицковски се сретна со Гир

admin