16.8 C
Скопје
21 мај, 2024
Inbox7.mk
ВЕСТИНАСЛОВНАСВЕТ

Русија штотуку и дала на Украина услови за завршување на војната?

Висок претставник на Кремљ во саботата сугерираше дека Русија би можела да се согласи на прекин на војната во Украина доколку се исполни клучниот услов, пишува Нјузвик.

За време на прес-конференцијата на Генералното собрание на Обединетите нации, рускиот министер за надворешни работи Сергеј Лавров посочи дека Русија ќе ги признае границите на Украина пред инвазијата на Москва, доколку Киев вети дека нема да се приклучи на воен сојуз.

Откако рускиот претседател Владимир Путин ја започна војната на 24 февруари 2022 година, тој и претставниците на Кремљ наведоа различни оправдувања за конфликтот. Но, една од најчесто наведените причини е противењето на Путин на проширувањето на НАТО на границите на неговата земја, и се вели дека е особено против Украина да стане членка на воениот блок.

Лавров за новинарите изјави дека во 1991 година Москва „го признала суверенитетот на Украина врз основа на Декларацијата за независност, која ја усвоила по напуштањето на СССР“.

Професорот Марк Н. Кац од Универзитетот Џорџ Мејсон Шар, Школата за политика и влада, изјави за Њусвик дека „Украинската декларација за државен суверенитет од 1990 година навистина ја прогласува Украина за „трајно неутрална држава која не учествува во воени блокови“.

„Изјавата на Лавров, значи, имплицира дека Москва ќе ги признае границите на Украина од 1990 година, доколку Украина се откаже од членството во НАТО”.

Newsweek контактираше со руското Министерство за надворешни работи преку е-маил за коментар.

Украинскиот претседател Володимир Зеленски од почетокот на војната притиска неговата земја да стане дел од НАТО, а неговите напори добија поддршка од клучните претставници на НАТО. Но, дури и ако Зеленски се согласи да се откаже од кандидатурата за членство во НАТО со цел да се стави крај на војната, Украина најверојатно сè уште ќе најде спор по прашањето за Крим.

Путин го нападна и анектираше Крим во 2014 година, а Зеленски вети дека ќе го врати полуостровот како дел од неговата нација. По распадот на Советскиот Сојуз, Крим беше прогласен за украински, што наведе некои да шпекулираат дека Лавров можеби навестил дека Русија би можела да биде подготвена да се откаже од регионот.

Кац рече дека додека Крим бил провинција на Украинската Советска Социјалистичка Република во 1990 година, тој има чувство дека „изјавата на Лавров можеби не е дефинитивна и дека може да има дополнително „појаснување“ за тоа што не е толку дарежливо кон Украина.

„Сепак, ако Москва само сака да ја заврши војната, можеби ќе може да го прикаже спречувањето на Украина од пристапувањето во НАТО како победа, дури и ако тоа значи откажување од руските претензии за окупирана украинска територија”, вели Кац. „Но, не сум сигурен дека Путин може да го стори тоа, бидејќи тоа ќе го постави прашањето дали огромните жртви што ги доживеаја руските сили во овој конфликт вредеа за таков договор – ако се претпостави дека владите на Украина и на НАТО ќе се согласат со тоа“.

Дејвид Силбеј, вонреден професор по историја во Корнел и директор за настава и учење во Корнел во Вашингтон, за Њусвик изјави дека изјавата на Лавров и како таа се однесува на Крим ја смета за „двосмислена”, што е интересно само по себе.

„Ќе му беше лесно на Лавров јасно да ја разграничи разликата, но тој не го стори тоа, и немаше да направи вакво нешто без одобрение од Путин.”

“Дури и ако Русија не е подготвена да и го врати Крим на Украина, коментарите на Лавров би можеле да се толкуваат како Путин да се откаже од своето барање за областите Доњецк, Керсон, Луганск и Запорожје. Пред една година Путин објави дека четирите украински региони се припоени кон Русија во потег што меѓународната заедница го нарече нелегитимен.”

“Во однос на четирите територии, мислам дека да, тоа сугерира дека Русите се подготвени да им ги вратат“, рече Силбеј./Инбокс7

Related posts

Гаши: Бојкот на Собранието, ако не биде изгласан нашиот кандидат за член на ДИК

admin

Остин до Кина: Не бараме конфронтација, но нема да се воздржуваме пред силеџиството

admin

Косово: Производите од Северна Македонија ги заменуваат српските

admin

Агелер не кажува дали и Заев ќе биде дел од „црната листа“: Има епидемија на корупција во оваа земја

admin

Искрениот извештај на ЕК различно се толкува од власта и опозицијата

admin

Спасена мечка заглавена во бачило во Бозовце (ВИДЕО)

admin