16.8 C
Скопје
22 мај, 2024
Inbox7.mk
ВЕСТИНАСЛОВНАРЕПУБЛИКА

Скандалозен прекин на емисијата “Само вистина”, Мирчевски го избрка Рамадани од студиото

Директорот на националната телевизија Канал5, Иван Мирчевски, среде емисијата „Само вистина“ бил известен да го исклучи од емисијата аналитичарот и поранешен пратеник Исмет Рамадани, јавува Инбокс7.

Причина за ова беше забелешката на Рамадан кон модераторот на емисијата дека употребува имплицитен јазик против Албанците.

„Во име на целата телевизија Канал 5, директорот на телевизијата Иван Мирчевски учествуваше во програмата „Само вистина“, во која поранешниот пратеник Исмет Рамадани не обвини дека во програмата има етничка дискриминација на Албанците, нешто што не постоеше на Канал 5. Мирчевски му порача на Рамадани дека е сосема неприфатливо ни да се помисли на такво нешто, бидејќи телевизијата е отворена за сите националности, дека Албанците на ниту еден начин не се дискредитирани, а уште помалку дека имало некаква дискриминација“, се вели во соопштението на телевизијата.

Македонската асоцијација на новинари (МАН) целосно застанува во одбрана и поддршка на Канал 5 телевизија, реакцијата на директорот Иван Мирчевски и модераторот новинар Александар Видиновски како и колегата поканет во емисијата Горан Момироски, по вечерашната дебата во емисијата “Само вистина.

МАН оценуваат дека „политичарот и советник на власта Исмет Рамадани неосновано ги обвинил за предизвикување меѓуетничка нетрпеливост“.

“Исмет Рамадани со етикетирање на етничка основа ја загрозува безбедноста на новинарите кои учествуваат во дебата, како и на ТВ Канал 5“, се вели во реакцијата.

Новинарот Љуљзим Азири, пак, го осудува потегот на Мирчевски кон Рамадани.

“Сопственикот на Канал 5 го третира својот медиум како трафика – кога сакам ја отварам, кога сакам ја затварам. Им диктира на новинари да прекинуват емисија, без да води грижа дека тоа е неприкосновено право на самиот новинар!
Овој е случај за АВМУ, за СЕММ и за суд!
Феудализам!”, напиша Азири на неговиот фејсбук профил.

Инаку, говорот на омраза од измените на Кривичниот законик во 2024 година се смета за кривично дело.

 

Related posts

Напорот на Русија да се врати на Месечината заврши со срамен крај

admin

СЕКОЕ ПАТУВАЊЕ, КОЛКУ ДА Е ДОЛГО, ИМА И КРАЈ

admin

ДУИ со план од три точки за „Европа сега“

admin

Субвенционирање на платите не е за цел приватен сектор туку само за три гранки

admin

ВИДЕО ВО ЖИВО Мир и демократија наспроти војна и автократија

admin

Поддршка од САД за уставните измени – можеби изгледаат минорно, но се тешки

admin