Младите не ги познаваат домашните политичари. Нивниот начин на изразување е поинаков. Тие живеат во друга реалност. Кај мнозинството главна цел е да заминат од земјата, така што тука не помагаат ни етничките теми кои се вадат пред избори. Ова, меѓу другото, е тема за разговор со аналитичарот Џелал Незири во ова издание на поткастот Зошто.
Неодамна прашавме млади луѓе ,по случаен избор на скопските улици, колку ги познаваат политичарите во земјава? Им покажавме фотографии на политичари на телефон и повеќето од нив не знаеја за кого станува збор.
„Не, не незнам, не воопшто не
Не знам Не знам
Мехмед Тачи
Беким, нешто Касами
Стево Пендаровски
Министер за нешто
Министер за внатрешни работи
Не знам колку младите ја обожаваат Македонија. Доколку сакаат да останат во Македонија ова е нешто за што треба да бидат загрижени“
Ова го покажа нашата видео анкета, а го потврдуваат и истражувањата.
Можеби на некој начин ова е добро, но и не е ,бидејќи, ако не знаат како утре ќе решаваат за иднината на државата. Реално повеќе можеби ги интересира што се случува во светот, изборите во САД, спортот ги интересира, игрите… фудбалот…Да е ова Швајцарија би било разбирливо, таму политичарите не се ѕвезди, како кај нас. Но таму е се средено или е по средено од кај нас. Кај нас не сме дојдени на тоа ниво така да треба да се вклучени во процесите, ќе рече Џелал Незири, аналитичар, на прашањето зошто ретко кој млад човек во земјава ги знае политичарите на лик и по име?