10.8 C
Скопје
3 март, 2024
Inbox7.mk
ВЕСТИИНТЕРВЈУ

Алиу: Балансерот за етнички вработувања треба да се замени

Балансерот за вработување по етнички клуч не си ја врши работата и како таков треба да се замени со друго законско решение во кое квалификациите на апликантите ќе бидат приоритет пред националноста, смета министерот за администрација Азир Алиу. Мерит системот треба да е на прво место, додава тој.

Господине Алиу, Државната Комисија за спречување на корупцијата поднесе иницијатива до Уставен суд за да се провери уставноста на алатката балансер за вработување по етничка припадност. По многубројни злоупотреби на балансерот дали, условно кажано, му истече рокот на употреба?

Значи вака, балансерот и денеска кога се злоупотребува, за жал. И тоа поради две причини. Првата е уставно загарантирана можност на секој од нас, а тоа е да станете сабајле да се чувствувате како што вие сакате, а тоа чувство да биде поврзано со некое слободно работно место. Вториот момент се поврзува со нашиот ментален склоп, а тука јас лично го поврзувам и со образованието, семејните вредности… Знаете да менувате националност заради интерес ви кажува многу за тој профил на човек. Прво, дека тој стручно не е соодветен за да може да се вработи некаде и затоа мора да менува националност и вториот момент е тој профилот на лабилност на личности кои негативно ќе се рефлектираат утре на тоа работно место. Да, точно е дека се злоупотребува, ние немаме механизми за да може тоа да се спречи.

Какви мерки вие може да преземете за да го спречите тоа?

Една од мерките во законот, во новиот предлог закон е тоа што секој кандидат којшто сака да се вработи во јавна администрација мора да отвори профил во Агенција за администрација. Една од пречките за да не се злоупотреби е полињата за матичен број и националност да не може да се менуваат (ажурираат). Еднаш отворен профил значи дека остануваат тие две полиња, засекогаш такви. Матичниот не се менува и националноста природно не треба да се менува, иако тоа е чувствително прашање. Некој од утре може да каже дека не се чувствува така како досега. Тоа не е решение. Ние мора да имаме закон и да се отстрани балансерот како таков, оти реално и вие и ние сме свесни дека се злоупотребува и треба да се замени со законско решение.

Целото интервју е достапно ТУКА

Related posts

Опожарената Пошта цела деценија чека пари за поправка

admin

Нетранспарентноста во јавните набавки, „главоболка“ за компаниите: Бизнисмените ретко се жалат кога се незадоволни од тендерите

admin

ГЕРМАНСКИОТ ПРЕТСЕДАТЕЛ ШТАЈНМАЈЕР ДОАЃА ВО МАКЕДОНИЈА

ninja

ВЕТИНГ – СТАРА ПЕСНА ВО НОВ АРАНЖМАН

ninja

Измени на Кривичниот законик во интерес на сегашни и бивши функционери?

admin

ИДРИЗИ: НЕОПХОДНО Е ДЕПОЛАРИЗАЦИЈА НА ДИСКУРСОТ ВО ЈАВНИОТ ПРОСТОР

admin