Премиерот на Република Северна Македонија, Талат Џафери во Приштина, следната недела ќе престојува во официјална посета во Косово, на покана на претседателот на соседната држава, Вјоса Османи.
Како што дознава Инбокс7, Џафери уште од средината на март испратил барање за посета на Косово, но од неговиот косовски колега добил одговор дека може да го прими дури на 12 јуни. Овој одговор бил протолкуван како циничен од причина што на тој датум се очекува да биде избран нов премиер кој ќе произлезе од парламентарните избори на 8 мај.
Причина за ваквиот однос кон Џафери се верува дека лежи во директната подршка на Курти кон опозициската коалиција на албански партии ВРЕДИ и неговите амбиции за да ја победи ДУИ. Во последните денови Курти имаше неколку средби со лидерот на ВРЕДИ и претседателски кандидат, Арбен Таравари.
Не се знае дали ќе има воопшто средба Џафери-Курти во Приштина, додека во медиуми блиски до владејачката Самоопределување беше објавено соопштението дека Курти ќе престојува во Германија и Швајцарија заедно со лидерите на ВРЕДИ за да оствари средба со албанската дијаспора од РСМ, со цел да ги мобилизира да доаѓаат и да гласаат на 8 мај.
Инаку, на листата на кандидати за пратеници на ВРЕДИ има и тројца претставници на Самоопределување, од кои еден е советник на премиерот на Косово, Албин Курти. Сите овие кандидати се државјанини на РСМ.