Шефот на опозициската Алијанса за иднина на Косово (ААК), Рамуш Харадинај, го обвини премиерот Албин Курти за „еднострани и некоординирани одлуки“ со сојузниците на денот кога САД го изразија своето длабоко разочарување на Владата на Косово во врска со затворањето на филијалите на Поштата Србија во северниот дел на Косово.
Преку реакција на Фејсбук, Харадинај рече дека политиката на шефот на владата „може да ги загрози животите на членките на НАТО, тоа е саботажа и обид за рушење на државата“.
„Едностраните и некоординирани одлуки на Албин Курти со сојузниците се погубни за Косово. Пред Албин Курти да го „убие“ српскиот динар на Косово, го уби еврото. Неговата популистичка политика, која може да ги загрози животите на членките на НАТО, е саботажа и обид за рушење на државата.”
“Овој премиер е длабоко вовлечен во агендата на Србија која за да ги демонизира Албанците си ги уби и сопствените деца во Панда, Пеќ. Се сомневам дали овој човек, како единствен Албанец ослободен од затвор со указ на српскиот претседател, Коштуница, ги исполнува обврските што ги доби. Но, го потсетувам него и сите други дека Косово има штитеник и ниедна влада не може да ја врати назад!“, напиша Харадинај.