Претседателот на ПДШ, Мендух Тачи, денес официјално се повлече од Европскиот Фронт, дознава порталот Тетовасот, пренесува Инбокс7.
Од ДПА за порталот го потврдиле ова, нагласувајќи дека претседателот и партијата се повлекуваат, но ќе останат во комуникација само со лидерот на ДУИ, Али Ахмети.
„Да, нашиот лидер се повлече од Европскиот Фронт и повеќе нема Фронт. Претседателот ќе биде во комуникација само со лидерот на ДУИ, Али Ахмети“, изјавија ексклузивно за Тетовасот од ДПА, нагласувајќи дека Тачи наскоро ќе се обрати до јавноста за да ги соопшти причините за повлекувањето од Европскиот Фронт.
Од друга страна, денеска лидерот на ДУИ, Али Ахмети, истакна дека Мендух Тачи е во координација со Европскиот Фронт.
„Имаше други ангажмани. Разговарав пред и по состанокот. Г. Тачи е во согласност со Европскиот Фронт, нема никакви дилеми, но сега, за да се прикријат загубите, неуспесите, делот од владата се фаќа за секундарни работи“, изјави Ахмети.
Мендух Тачи беше кандидат за пратеник во изборната листа број 6, каде што победи како пратеник под чадорот на Фронтот.
По повлекувањето на Мендух Тачи, Европскиот Фронт останува со 17 пратеници.