Лидерот на ДПА, Мендух Тачи, изјави дека се кае што станал дел од Европскиот фронт, обвинувајќи ги коалициските партнери дека не ја испочитувале постигнатата согласност.
„Се каам што влегов во Европскиот фронт. Јас сум човек што држи до договорот до крај. Тие што не го држат зборот се мизерници,“ рече Тачи во емисијата „Дебат21“ на ТВ21.
Тој посочи дека лидерот на ДУИ, Али Ахмети, прв ја прекршил согласноста за заеднички настап, додека го обвини Европскиот фронт за „лачен и безусловен“ однос кон ВМРО-ДПМНЕ при преговорите за влада.
Тачи најави дека во следно јавно обраќање ќе обелодени имиња на бизнисмени кои, според него, биле испраќани како емисари до лидерот на ВМРО-ДПМНЕ, Христијан Мицкоски, за да посредуваат за учество на фронтот во владата.
Тој предвиде „катастрофален пораз“ за ДУИ на изборите, додавајќи дека по гласањето ќе се сретне со Ахмети. „Луѓето кога губат се поподготвени да бидат логични, а кога победуваат стануваат еуфорични,“ рече Тачи.