Соединетите Американски Држави издадоа нова општа лиценца што ја заменува претходната дозвола за продажба на руска сурова нафта и нафтени деривати натоварени на танкери од 12 март, соопшти американското Министерство за финансии.
Лиценцата, која истекува на 11 април, ја заменува сличната 30-дневна санкциска отстапка издадена на 12 март.
Иако главните услови остануваат непроменети, новата дозвола експлицитно ги исклучува трансакциите поврзани со Северна Кореја, Куба и Крим.
Привременото олеснување на санкциите за руската нафта е дел од напорите на администрацијата на американскиот претседател Доналд Трамп за стабилизирање на енергетските цени, кои пораснаа поради конфликтот на Блискиот Исток.