Кралицата сопруга Камила (75), жена на кралот Чарлс III, официјално ќе ја преземе оваа титула на 6 мај, кога нејзиниот сопруг доживотно ќе биде официјално крунисан во Вестминстерската опатија.
За деталите од оваа церемонија се уште се шпекулира, а познато е дека Камила најверојатно нема да носи круна со познатиот дијамант Кох-и-Нур поради почит кон Индија, од каде потекнува овој скапоцен камен.
Сега е откриено кој е задолжен за стајлинг на кралицата, а таа информација ги изненади Британците бидејќи се работи за Брус Олдфилд (72), дизајнер кој е најпознат по пријателството со – принцезата Дијана!
А врапчињата на гранката веќе ја знаат приказната дека Чарлс ја изневерувал Дајана со Камила од самиот почеток на нивниот брак и колку била несреќна покојната принцеза од Велс, па нејзините обожаватели се огорчени.
Сепак, за познавачите ова не е големо изненадување бидејќи денешната сопруга на Чарлс и Олдфилд соработуваат десет години и тој стои зад нејзините комбинации за најважните прилики. Покрај тоа, тие изградиле пријателски односи.
– Камила има многу блиско пријателство со Брус, кое трае долги години, па ова е природен и очигледен избор. Камила му верува на Брус бидејќи тој навистина се докажа кога се во прашање фустаните за настаните кои и беа најважни – изјавил за The Sun извор близок до Бакингемската палата.
Брус Олдфид дизајнирал некои од најпознатите фустани на принцезата Дијана кога се зближиле во текот на 1980-тите. Еве зошто реакциите на британската јавност на оваа вест не се добри.
-‘Има нешто од Дијана што оваа жена не го сака?’, ‘Од илјадници луѓе кои работат во модната индустрија токму тој, нималку провидно’, ‘Нема срам’, Камила и го украде дизајнерот на Дијана и сепак секогаш изгледа катастрофално“, се некои од коментарите.