Пациентот добро се опоравува по зафатот извршен во неделата, првичните резултати покажуваат ветувачки нервни импулси, напиша милијардерот во понеделникот на својата платформа Х, јавува Дојче веле. Чипот поставен во делот од мозокот кој ја контролира намерата за движење треба да овозможи управување на паметниот телефон со помош на мисли, со користење и на друга технологија.
пред 43 минут„Неуралинк“, фирмата за медицинска техника на техно-милијардерот Илон Маск, прв пат вгради мозочен имплант кај човек.Пациентот добро се опоравува по зафатот извршен во неделата, првичните резултати покажуваат ветувачки нервни импулси, напиша милијардерот во понеделникот на својата платформа Х. Чипот поставен во делот од мозокот кој ја контролира намерата за движење треба да овозможи управување на паметниот телефон со помош на мисли, со користење и на друга технологија.
„Неуралинк” во мај доби дозвола од Американската агенција за храна и лекови (ФДА) за вградување на рамниот и кружен имплант кај луѓе во рамки на клиничка студија со траење од шест години. Претходно технологијата била тестирана на мајмуни.
Чипот, кој го инсталира робот, има 1024 електроди, тој ќе снима и испраќа мозочни сигнали до апликацијата, со цел „да им овозможи на луѓето да го контролираат курсорот на компјутерот или тастатурата користејќи ги само своите мисли“, велат од „Неуралинк”.
За учество во клиничката студија „Неуралинк” одбра луѓе со парализа, кај кои се погодени нозете и рацете.
Многу детали за извршениот зафат не се соопштени. Се истакнува дека и по успешна операција може да трае со месеци додека пациентите да научат да го контролираат компјутерот со помош на своите мисли. Поврзувањето мозок-компјутер се истражува со години и некои луѓе веќе имаат вметнато различни импланти. „Неуралинк“ има бројни конкуренти на ова поле чија интенција е својата технологија да ја користат во комерцијални цели.