Министерот за надворешни работи и претседавач на ОБСЕ, Бујар Османи, денеска беше пречекан во Палатата Сент Џејмс во Лондон на прием кај Неговото Величество Кралот Чарлс Трети.
„Благодарност за силната британска поддршка за Северна Македонија. Негуваме одлични политички и економски односи, кои континуирано ги градиме во духот на меѓусебното пријателство и силно партнерство. Кралот Чарлс има убави спомени од неговата историска посета на Скопје и Охрид, во 1998 година. Оваа година одбележуваме јубилеј – три декади од воспоставување на нашите дипломатски односи“, напиша Османи на Фејсбук.