Дали високото образование создава знаење и можности или само дипломи?
Повеќе од две децении по приклучувањето на Северна Македонија кон Болоњскиот процес, клучните реформи во високото образование сè уште се недовршени.
Документарецот „Универзитет без граници или без иднина? Реформите што доцнат“ го истражува јазот меѓу универзитетите и пазарот на трудот, ограничената мобилност на студентите и професорите, бирократските пречки при признавањето на дипломите, квалитетот на образованието и иселувањето на младите.
Поранешни министри, ректори и експерти од академската заедница одговараат на клучното прашање: има ли Северна Македонија образовен систем што може да ги задржи талентите и да ги подготви младите за европскиот пазар на труд?
Погледнете го документарецот и дознајте зошто прашањето повеќе не е дали се потребни реформи, туку колку време државата има за да ги спроведе.
Документарецот е изработен во рамките на проектот „Застапување за инклузивен развој“, финансиски поддржан од Владата на Швајцарија преку програмата Цивика мобилитас.