Српскиот претседател Александар Вучиќ го искористи меѓународниот форум „GLOBSEC2024“ во Прага за да ги повтори антибугарските лаги на режимот на Христијан Мицкоски во Република Северна Македонија, јави Фактор.бг.
Во дебатата „Пристапување на Западен Балкан во ЕУ“, откако изрази сомневање дека земјите од регионот ќе станат дел од Европската унија пред 2030 година, Вучиќ даде предлог во однос на Бугарија:
„Верувам дека Србија, Албанија, Црна Гора и се надевам дека ако Бугарите дозволат (Северна – б.р.) Македонија да се приклучи, се надевам дека и тие ќе се приклучат, но тоа ќе се случи откако Украина ќе стане дел од блокот. Тоа е она што јас верувам , ќе видиме дали сум во право или не“, изјави Вучиќ.
Ова негова изјава македонската државна агенција ја пренесе под наслов „Вучиќ: Ако Бугарите дозволат, верувам дека Македонија ќе стане членка на ЕУ, но не пред 2030 година, исто како нас“.
Српскиот претседател со оваа изјава ја повторува антибугарската кампања и хистерија на актуелниот премиер Христијан Мицкоски, кој зборува за „бугарски диктат“ и „бугарска блокада“ на РСМ на патот кон ЕУ, забележува БГНЕС.
Почетокот на претпристапните преговори на РСМ за членство во ЕУ е целосно зависен од спроведувањето на неопходните реформи во многу сектори и од таканаречениот „француски предлог“, кој е одобрен од сите земји-членки на ЕУ.