ВМРО-ДПМНЕ го обвини лидерот на СДСМ, Венко Филипче, дека води „лажна проевропска агенда“ и дека нема јасен план ниту стратегија за државата.
Од партијата велат дека Филипче, со неговото патување во Рим за време на продолжениот викенд за 1 Мај, покажал дека личните интереси му се поважни од обврските кон граѓаните.
Во соопштението се наведува и дека тој избегнал да се соочи со пратенички прашања во Собранието, што, според ВМРО-ДПМНЕ, дополнително ја потврдува неговата политичка слабост.
„Филипче тоне во сервилност и е подготвен да прави отстапки на штета на националните интереси само за да дојде на власт“, велат од партијата.
ВМРО-ДПМНЕ тврди дека СДСМ само декларативно се залага за европски вредности, додека во пракса, според нив, дејствува спротивно на тие принципи.